Cannis Fok 阿靚

 
2010初春東京~靚靚靚~Day 3~Part 1
(2010.03.29) - Mother Farm

地點                                      車                                       車費               時間
池袋 - 新木場                  Tokyo metro 有楽町線         230 yen         32 mins車程       
新木場 - 蘇我                  京葉線快速                            1450 yen       34 mins車程
蘇我 - 佐貫町                  內房線                                                          74 mins 車程
佐貫町 - Mother Farm    日東Bus                                 470 yen         23 mins 車程
Mother Farm
Mother Farm - 佐貫町    日東Bus                                 470 yen         23 mins 車程
佐貫町 - 蘇我                  內房線                                                          61 mins 車程
蘇我 - 新木場                  京葉線                                   1450 yen       42 mins 車程
新木場 - 池袋                  Tokyo metro 有楽町線         230 yen        30 mins 車程

今日會去一個十分艱辛, 但係我恨左好耐好想去既地方~ Mother Farm~
之前一路都好想去, 但係冇機會, 今次終於去得成喇~yeah~
因為去Mother Farm好遠, 事前做左好多資料搜集,
點去坐咩車坐幾耐點轉線都研究左好耐好耐~
萬一搭錯車真係屎得了!!!
(足足坐左3個半鐘車程先去到!!!)

夜晚我明明好似聽到雨聲, 個窗又起哂霧,
打比小丸子, 但係小丸子話佢個邊唔覺有落雨喎~
(但係我地住係隔離房咋喎o_O)
之後就plan好左, 如果第2朝落雨就改行程~

今日真係超超超早起身!
5點幾就起身準備了! (即係香港時間4點幾就起身!!!)
去玩真係咩意志力小宇宙都可以出哂黎!!!
又好似冇落雨喎!!!
準時6:10am出酒店, 搭Tokyo metro 有楽町線去新木場!!!
由於我地驚要搵路, 所以其實係預早左少少出門口,
不過最遲要搭到6:37am班車~


車長的背影~


晨早流流冇乜人~


到左新木場後, 出閘, 再買飛搭京葉線~




我地係搭京葉線快速7:13am去蘇我~


由於我地預早左搭車, 7am已經到左呢個站,
如是者我地就係度食風食左10幾分鐘, 個日真係好凍凍凍凍凍!!!
仲發現開始有雨粉, 屎喇!!! 落雨咁大鑊!!!


車黎喇! 車黎喇!!!
估唔到呢班車咁多人! 仲要有一大班細路迫哂係各個車箱,
差d迫唔到入去! (迫唔到入去好大件事, 因為一走左呢班車,
就趕唔到轉下一班車, 於是就趕唔到搭9:30既日東巴士上Mother Farm!
趕唔到就要等到11:07先再有巴士上Mother Farm!
所以事前先咁緊張唔可以遲到呢!!!)

一路諗點解晨早流流, 仲要係星期一, d學生又冇著校服,
佢地去邊呢?
之後原來係Disney站, 一大班細路衝哂出車, 成架車箱空哂!!!
班友又唔駛返學!!!


到蘇我後, 轉內房線~ 屎喇~ d雨越落越大喇>_<~
呢程車要坐70幾分鐘, 開頭冇位坐, 好彩後來有啦~
坐得好舒服, 瞓丫瞓~ 坐到大貫突然間彈起身~
好彩係大貫駅, 下個站先到佐貫町, 真係嚇屎我喇!
原來車箱入面有話比你知下個站係咩站架~ 唔駛驚唔識落車~


到左佐貫町! 落大雨!!! #&%#()%&#(^@(#*$^@(*$^*(@@&*($!!!
非常狼狽!!!


小丸子見到有blog友寫黎到佐貫町站冇得拍卡, 其實係有架!
我見一大班學生係拍Suica過的!
一出閘就見到去Mother Farm既巴士, 係落車先比錢架~


渺無人煙的小站, 好荒蕪呢~


車箱內~


10點前到站, 係山下gate落車, 去到先買飛~
其實可以事前係family mart度買定入場券(仲有雪糕送)
但係因為我想睇埋個tour, 所以黎到呢度先買~
套票(入場+tour)位位=$2200 yen~


想問買飛位姐姐摘士多啤梨點去, 佢聽唔明我講"Strawberry",
佢唔明, 搵左個男人黎幫我地, 開頭以為個男人明我地up咩,
原來佢係唔明, 於是我就即刻搵張士多啤梨圖出黎,
佢明喇, 佢講左句: 是多啤li !
仲以為佢會教我地點行, 點知佢點左我地入Information ~_~
Information入面都係冇人識英文, 我又拎張圖指住士多啤梨,
個位姐姐講左一大堆日文 ~_~
於是我問佢係邊度搭tractor, 佢指左個方向, 然後都係一大堆日文~
最後我地唯有自己搵~_~
其實只係入場後, 直行上少少斜路, 就會見到呢個站,
等司機開車就會車你去, 不過位位比左200 yen先!


呢架係另一架狗仔車, 會旺旺叫的~
(呢架唔係搭去果園的, 唔好上錯車丫~)


Mother Farm網址
http://www.motherfarm.co.jp/