2011深秋日本關西~Day 1~ Part 2~ 奈良 @ Cannis Fok 阿靚

2011深秋日本關西~Day 1~ Part 2~ 奈良
(2011.11.25) - 奈良

計埋今次, 我已經係第3次黎日本關西, 而奈良呢, 夾埋今次係第2次囉~
點解黎完一次又一次, 因為奈良係一個好舒服既地方,
環境寧靜, 人亦好純樸, 亦冇大城市既擠迫,
真係好正~

記得第一次黎奈良玩鹿時, 個陣仲未知d鹿原來係好顛,
我仲唔識死狂摸佢地! 買左鹿餅仲隊到隻鹿個口邊比佢食, 仲要隻鹿寸到放埋佢咀邊都唔食! 哼!
點知玩多兩玩, 就開始見到d鹿既真性情,
有個日本細路女本來好開心咁同隻鹿玩, 玩玩下, 隻鹿突然跳出圍欄, 跳到個細路女面前,
個細路女嚇到狂喊, 佢阿媽即刻安慰番佢, 嘩, 我當時都被嚇一嚇呢~
仲有既係, d鹿見到咩都食架, d人拎住d紙, 鹿真係夠膽死食左你張紙,
所以隻手千其唔好拎住野, 鹿真係咩都食架!!!
另外就係阿鹿見你企係度, 佢會走埋黎lam你,
嘩~ 上次小丸子就係咁, 比隻鹿lam到成件衫都係口水!!!
好驚~
所以......千其唔好同d鹿公玩, 真係好惡架!
不過鹿乸同鹿BB就玩得既~
好似以下呢兩隻咁~ (鹿媽媽lam鹿仔連環圖4張)

鹿說: 睇下我幾含羞答答~

又有一大班學生了!

鹿說: 喂! 影咩呀你! 你邊間架你?

話說我地雖然唔係第一次黎奈良, 但係呢, 因為以前冇黎到春日大社呢邊,
所以唔係好熟路, 咁岩我地見到呢d local tour, 於是我地就扮埋團友跟埋佢地一齊行喇~

咦, 有隻傻鹿企左係樓梯上面!

弊! 比隻鹿發現左!

唔得, 等我一腳伸你個seafood去大西洋先!

初時見到咁多樓梯, 本來都唔行的了, 但係見到d local tour行上黎, 所以我地估呢度應該有野睇,
不過真係好彩上左黎, 呢度又係另一片天, 巧令令啊~

呢班細路就曳囉, 見到鹿係咁拍打佢地! 嚇到d鹿都走! 所以話呢, 細路仔係最恐怖既動物!

鹿說: 影夠喇喎你! 阿姐我發皮四架喇喎!

我說: 哼! 我唔驚你架! 我仲要影你大頭添喎!!!